Culpa del fantasma
del postion
(colpa del fantasma del cocchiere).
Per cantà la patùsciada
d’un event
straurdinari
qui ghe vouer la
businada
sul Coumun saltà per ari.
Tre voeult in
cent’ann l’è capità:
l’ultim ariv del
cumissari prefettizi
nel quaranta , ai temp del podestà,
per un sac
de débèt e de vizi.
Che staveulta sia culpa del fantasma
ch’el gira ogni tant per ul castel,
el crea subèt un gran
marasma
e al tràa in pée un quei
bòrdel?
Prima vittima el Gran
cittaden
che ‘l se dàna in una gincana,
in còo un lenzoeu , in mann ‘l frustén,
per soutterà un toch de pedemontana.
Se cuntàgia subèt dopo l’assessora:
la se suspend , la se dimèt,
la ghe ripensa, la turna indrée,
-ma l’è pro o countra l’out-let ?-
un veri e
propri gazaghèe!
Infin, ad un scrouccà de dita,
tri de quej che la
san lunga
con dispress del pan
e de la vita
passen al cap del bunga bunga
Paren i temp di
nost bagaétt,
un po’ stremì e sott de chili,
al prim dé nella class di piscinett.
Ia ciamaven : patùscett de l’ asili .
Un ann dopo i
fest del centenari
nouev dann insèma
i dimission ,
rua al gran galopp el
cumissari,
bisogna rifà a magg
i elezion.
Fa minga scherz spiret del
postion ,
semm mej del
sciur Arcimboldi ,
Mandech un sindech coi maron
A guvernà i nost quater
soldi!
Francesco
P.S. Forse a magg la finirà
quando Erasmo volterà
La pagina ?
Nessun commento:
Non sono consentiti nuovi commenti.